WAKAWAKA POWER

Watengenezaji wa taa bora ya solar ya Wakawaka, sasa wamekuja na taa nyingine ya solar yenye jina la Wakawaka Power. Tofauti na taa ya mwanzo ya Wakawaka, taa hii ya Wakawaka Power ina uwezo wa kuchaji simu na vifaa vingine vya ki eleketroniki kama Ipad na tablets nyinginezo.

Wakawaka Power inachaji tablet

Viwango vya Wakawaka Power :

• Betri: 2200 mAh LiPo yenye mizunguko ya kuchaji 1,000. Betri ina uhai wa miaka 5-7.
• Viunganishi vya USB: USB inayotoa 1A, USB inayoingiza 500 mA
• Paneli ya solar: Nguvu ya jua uwezo ni 23%, upana na urefu ni 67x100mm. Kiwango cha maisha ya matumizi ni miaka 10 na kuendelea.
• Menejimenti ya Nishati: Intivation SNBST Toleo la 3.
• Taa kubwa 2 za LED: Mwanga mkali, Daraja la A, mwanga kwa ujumla ni lumen 60.
• LED za indiketa: Taa moja nyekundu (inaonyesha kuchaji); Taa 4 za kijani (zinaonyesha ujazo wa betri Taa 1 ya bluu (inaonyesha kuchaji kwa USB)
• Malighafi: Plastiki rejesho ya ABS
• Vyeti tha Uthibitisho: CE, inakubalika kwa viwango vya UNFCCC (inasubiri UL)
• Ukubwa: 120x16x77 mm au 4.7x0.6x3 inchi.
• Uzito: Karibia gramu 200.
• Ilivyofungwa: Paketi ya rangi, karatasi ya  FSC, maelekezo ya namna ya kutumia yameambatanishwa.

INAVYOFANYA KAZI

• Kuchaji: Inajaa kiasi cha 75% kwa masaa 6 (imejaribiwa kwa mwanga wa New York)
• Kuchaji 100%:  Masaa 4
• Muda wa kutoa mwanga: 100% kwa masaa 20 na zaidi; 50% masaa 40 na zaidi; 10% masaa 200 na zaidi.
• Matumizi ya Ziada: Kutuma SOS ukipata dharura (bonyeza kwa sekunde 2); kuhifadhi nguvu ya betri (mwnaga unapungua betri ikianza kwisha); 200% ya mwanga ambao hupungua kuwa 100% baada ya sekunde 30.

kwa maelezo zaidi kuhsu upatikanaji wa Wakawaka Power wasiliana nasi.

                                 

Taa ya Solar ya Wakawaka imefanyiwa majaribio rasmi nchini Tanzania na kuonekana kwamba inafaa sana kwa matumizi yake hasa pale panapo kosekana umeme wa kawaida. Kuwepo kwa mwanga wa jua mkali kwa mwaka mzima kumethibitisha hii taa kuwa bora na yenye manufaa zaidi.

Mlinzi wetu aliipenda Wakawaka kwani ilimpatia mwanga wa kutosha usiku.

Mwanga mwingi wa kutosha unakuwezesha kuchaji Wakawaka mahali popote!

Wakawaka Hung'aa zaidi ya zote!

Taa ya solar ya Wakawaka  inazidi taa zingine katika ubora kwa kuwa madhubuti na kutoa mwanga mkali na kwa muda mrefu baada ya  kuwekwa juani kwa muda mfupi. Vyote hivi vimethibitishwa kwani taa hizo zimefanyiwa majaribio madhubuti kabla ya kutolewa kiwandani. Video hii hapo chini inaonyesha hayo udhubuti huo.

Taa ya Wakawaka Hutumika Popote!

Taa ya Wakawaka inawezwa kutumiwa katika hali zozote zile kuanzia vijijini ambapo hakuna umeme, mijini umeme ukikatika au hata kwenye nyumba za mijini ambapo umeme haujafungwa. Vilevile Wakawaka zinaweza kutumika kama taa ya dharura kwa mfano kwenye gari na sehemu zingine. Hivyo taa hizi zinafaa kwa watu wote ambao wanataka kuwa tayari wakati wowote.

Usisahau kuchukua taa yako ya Wakawaka unaposafiri...itakufaa!

Wakawaka Light: Majaribio ya mwanga wa kusomea

Taa za solar za Wakawaka zinahitajiwa zikidhi mahitaji ya mtumiaji ili aweze kuitumia vizuri. Nimefanya majaribio ya taa hizi na niliona kuwa niliweza kusoma gazeti bila ya shida yeyote.

Kama inavyoonekana kwenye hiyo picha hapo juu, ni vizuri kuiweka taa yako katika sehemu iliyo juu ili mwanga ulenge na kumulika moja kwa moja kwenye gazeti au kitabu unachokisoma. Kama mwanga unaohitajika ni wa kumulika chumba kizima, taa hiyo inawezwa kutundikwa kutoka juu ya dari, hivyo kukiangaza chumba kizima. (angalia picha hiyo hapo chini).

Taa hiyo inatoa mwanga mzuri mkali unaotoa mandhari ya kupendeza.

Baada ya kufanyika kwa majaribio haya, taa hizi zitapelekwa vijijini (na pia hata vile mijini) kwa majaribio zaidi na kupata mawazo ya watumiaji kuhusu ubora wa taa na mawaidha ya kuziboresha zaidi.

Blog ya Wavuti yahimiza Nishati Endelevu

Blog ya Wavuti imeungana nasi katika kueneza habari kuhusu matumizi ya vibatari na athari zake. Kwa kufanya hivyo inasaidia katika kubadilisha fikra za watu kutoka kujiona na kutokuwa na uwezo wa kugeuza na kuendeleza maisha yao, hadi kufikia hatua ya kubadilisha maisha yao wenyewe. Habari hizo zinapatikana hapa:

http://www.wavuti.com/4/post/2012/05/kibatari.html#axzz1w9LYryy7

Majaribio ya Taa ya Wakawaka

 

Nimepokea taa za Wakawaka kutoka Uholanzi na zimefanyia majaribio. Nimeridhishwa sana na utendaji wa taa hizi kwa vile zinafanya vile kama ilivyoelezwa kwenye tovuti ya wavumbuzi wa taa hii www.wakawakalight.com

Baada ya kuchaji taa kwenye jua kwa masaa kama 8 hivi niliiwasha kuanzia majira ya saa nne za usiku. Taa hii iliwaka kwa mwanga uleule na kuanza hadi asubuhi saa tatu. Mwanga ulianza kufifia kama saa tano asubuhi, lakini iliendelea kuwaka. Hii inathibitisha kuwa taa hii hutoa mwanga muda mrefu sana tofauti na taa zingine za solar.

Taa ya solar ya Wakawaka ikiwa imetundikwa

Taa ya solar ya Wakawaka kutoka kwenye kasha lake

Watu wengi wanatumia mwanga wa kibatari pale ambapo hakuna umeme. Pamoja na kutoa mwanga hafifu, kibatari kinatoa moshi mwingi mweusi ambao ni hatari kwa mtumiaji akipumua moshi wake. Kibatari hutumia mafuta ya taa ambayo ni ghali sana na hivyo kupunguza kipato na kuchangia katika kuleta umasikini. Taa ya solar ya Wakawaka ina mwanga mkali, usio na moshi na hutumia betri ambazo ni rahisi na zinazohitaji kubadilishwa baada ya miaka mitatu.

Kuelezea kuhusu matumizi na faida za taa ya solar ya Wakawaka